Eid milad un nabi |2) میلاد مبارک

Rate this post

اعلی حضرت امام اہلسنت مجدد دین و ملت عاشق رسول ﷺ امام احمد رضا رحمتہ اللہ علیہ کے قلم سے میلاد مبارک حلیہ مبارک وجہ وجود تخلیقِ کائنات نور مجسم شافع روز جزاء سرور کونین حُضُور احمد مُجتبٰی مُحمّد مُصطفیٰ رسول اللّٰہ صلی اللّٰہ علیہ وسلم

حضور صلی اللہ علیہ وآلہ وسلم کی مسرت، مسکراہٹ

حضرت کعب بن مالک رضی اللہ عنہ سے اُس وقت کی روایت ہے جب وہ غزوہِ تبوک سے پیچھے رہ گئے تھے۔ اُنہوں نے بیان فرمایا: (توبہ قبول ہونے کے بعد) جب میں نے حضور نبی اکرم صلی اللہ علیہ وآلہ وسلم کی بارگاہ میں حاضر ہو کر سلام عرض کیا تو آپ صلی اللہ علیہ وآلہ وسلم کا چہرہِ انور خوشی سے جگمگا رہا تھا

🌹اور آپ صلی اللہ علیہ وآلہ وسلم جب بھی مسرور ہوتے تو آپ صلی اللہ علیہ وآلہ وسلم کا چہرئہ مبارک یوں نور بار ہو جاتا تھا جیسے وہ چاند کا ٹکڑا ہے۔ ہم آپ صلی اللہ علیہ وآلہ وسلم کے چہرہِ انور ہی سے آپ کی خوشی کا اندازہ لگا لیا کرتے تھے۔🌹 یہ حدیث متفق علیہ ہے۔

1: أخرجہ البخاري في الصحیح، کتاب المناقب، باب صفۃ النبي صلى الله عليه وآله وسلم ، 3 / 1305، الرقم: 3363، وأیضًا في کتاب المغازي، باب حدیث کعب بن مالک ص، 4 / 1607، الرقم: 4156، ومسلم في الصحیح، کتاب التوبۃ، باب حدیث توبۃ کعب بن مالک وصاحبیہ، 4 / 2127، الرقم: 2769، والنسائي في السنن الکبری، 6 / 359، الرقم: 11232، وأحمد بن حنبل في المسند، 3 / 458، الرقم: 15827، والحاکم في المستدرک، 2 / 661، الرقم: 4193، وقال: ھذا حدیث صحیح

میں درِ مُصطفیٰ ﷺکا منگتا ھُوں بھیک مِلتی ھے آستانے سے…

جو گدا ھے میرے مُحمّدﷺ کا کُچھ نہیں مانگتا زمانے سے…

صدقے یارسول اللہﷺ

میلاد مبارک

جس سہانی گھڑی چمکا طیبہ کا چاند

اس دل افروز ساعت پہ لاکھوں سلام

*🌹سر مبارک*

جس کے آگے سرِ سروراں خم رھیں

اُس سرِ تاجِ رفعت پہ لاکھوں سلام

 *🌹مانگ مبارک*

لیلتہ القدر میں مطلعِ الفجر حق

مانگ کی استقامت پہ لاکھوں سلام

*🌹پیشانی مبارک*

جس کے ماتھے شفاعت کا سہرا رھا

اُس جبینِ سعادت پہ لاکھوں سلام

*🌹بھنویں مبارک*

جس کے سجدے کو محرابِ کعبہ جھُکی

اُن بھنوؤں کی لطافت پہ لاکھوں سلام

*🌹منہ مبارک*

چاند سے منہ پہ تاباں درخشاں درود

نمک آگیں صباحت پہ لاکھوں سلام

*🌹آنکھ مبارک*

جس طرف اُٹھ گئی دم میں دم آگیا

اُس نگاہِ عنایت پہ لاکھوں سلام

کس کو دیکھا یہ موسیٰ سے پوچھے کوئی

آنکھ والوں کی ھمت پہ لاکھوں سلام

*🌹ناک مبارک*

نیچی نظروں کی شرم و حیا پہ درود

اونچی بینی کی رفعت پہ لاکھوں سلام

*🌹کان مبارک*

دور و نزدیک کے سننے والے وہ کان

کانِ لعلِ کرامت پہ لاکھوں سلام

*🌹خد و قد مبارک*

اُن کے خَد کی سُھولت پہ بے حد درود

اُن کے قد کی رشاقت پہ لاکھوں سلام

نبی پاک علیہ الصلٰوۃ و السلام کے رخسار کے لیے حدیث میں”سھل” کالفظ استعمال ھوا ھے ـ اعلٰی حضرت نے اسی مناسبت سےسُھولت کا لفظ استعمال کیا ـ!

*🌹قد مبارک*

قدِ بے سایہ کے سایہءِ مرحمت

ظِلِ ممدوعِ رافت پہ لاکھوں سلام

آپ علیہ الصلٰوۃ والسلام کا سایہ نہیں تھا لیکن آپﷺ کے کرم کا سایہ ھم پر ھمیشہ ھے کبھی ختم نہیں ھو گا. (جب سے ھم ھیں اور جب تک ھم رھیں گے تب تک انکے کرم کا سایہ ھم پر رھے گا)

*🌹زبان مبارک*

وہ زبان جس کو سب کُن کی کنجی کہیں

اُس کی نافذ حکومت پہ لاکھوں سلام

*🌹دانت مبارک*

جن کے گُچھے سے لچھے جڑیں نور کے

اُن ستاروں کی نُزھت پہ لاکھوں سلام

*🌹ہونٹ مبارک*

پتلی پتلی گُلِ قدس کی پتیاں

اُن لبوں کی نزاکت پہ لاکھوں سلام

میلاد مبارک

*🌹تبسم/مسکراھٹ مبارک*

جس کی تسکین سے روتے ھوئے ھنس پڑیں

اُس تبسم کی عادت پہ لاکھوں سلام

*🌹داڑھی مبارک*

رِیش خُوش معتدل مرہمِ رَیشِ دل

ہالہ ماہِ ندرت پہ لاکھوں سلام

*🌹رنگ مبارک*

جس سے تاریک دل جگمگانے لگے

اُس چمک والی رنگت پہ لاکھوں سلام

*🌹بازو مبارک*

جس کو بارِ دوعالم کی پرواہ نہیں

ایسے بازو کی قوت پہ لاکھوں سلام

*🌹زلف/گیسو مبارک*

وہ کرم کی گھٹا گیسوئے مُشک سا

لکّۂ ابرِ رحمت پہ لاکھوں سلام

*🌹دھن/منہ مبارک*

وہ دھن جس کی ھر بات وحیءِخدا

چشمۂ علم وحکمت پہ لاکھوں سلام

جس کے پانی سے شاداب جان و جِناں

اُس دھن کی طَرَاوَت پہ لاکھوں سلام

میلاد مبارک

*🌹کندھا مبارک*

دُوش بر دوش ھے جن سے شانِ شرف

ایسے شانوں کی شوکت پہ لاکھوں سلام

*🌹کلائیاں مبارک*

کعبۂ دین و ایمان کے دونوں ستوں

ساعدینِ رسالت پہ لاکھوں سلام

*🌹ہاتھ مبارک*

ہاتھ جس سمت اُٹھا غنی کر دیا

موجِ بحرِ سماحَت پہ لاکھوں سلام

 *🌹 ماتھا شریف پیشانی*

جس کے ماتھے شفاعت کا سہرا رہا

اس جبین سعادت پہ لاکھوں سلام

*🌹ہتھیلی مبارک*

جس کے ھر خط میں موجِ نورِ کرم

اُس کفِ بحرِ ھمت پہ لاکھوں سلام

*🌹اُنگلیاں مبارک*

نور کے چشمے لہرائیں دریا بہیں

اُنگلیوں کی کرامت پہ لاکھوں سلام

*🌹اصحاب و عترت مبارک*

اٌن کے مولی کہ اٌن پر کروڑوں درود

ان کے اصحاب و عترت پہ لاکھوں سلام

*🌹مصطفیٰﷺ جان رحمت پہ لاکھوں کروڑوں

درود و سلام🌹*

تاجدار ختم نبوت صلی اللہ علیہ وسلم

 

‎حضرت ثوبان رضی اللہ عنہ بیان کرتے ہیں کہ حضور نبی اکرم صلی اللہ علیہ وآلہ وسلم نے فرمایا: میں خاتم النّبیین ہوں۔ (اور اچھی طرح سے جان لو کہ) میرے بعد کوئی نبی نہیں ہے۔

 

‎أخرجه الترمذي في السنن، کتاب الفتن، باب ما جاء لا تقوم الساعة حتی يخرج کذابون، 4 / 499، الرقم: 2219

سبحان الله

یہ دونوں شعر جناب غوث اعظم رضی اللہ عنہ کی شان میں ہیں

جبکہ عوام بلکہ اکثر علماء سمجھتے ہیں کہ یہ نعت پاک کے اشعار ہیں

وَرَفَعْنَا لَکَ ذِکْرَکْ کا ہے سایہ تجھ پر

بول بالا ہے تِرا ذِکر ہے اُونچا تیرا

حضور جانِ عالم صلی اللہ علیہ وسلم پر ورفعنالک ذکرک کا سایہ نہیں وہ تو اس آیت کریمہ ہے مصداق ہی

مِٹ گئے مِٹتے ہیں مِٹ جائیں گے اَعدا تیرے

نہ مِٹا ہے نہ مِٹے گا کبھی چرچا تیرا.

جناب غوث پاک کا مقام و رتبہ کسی کمی کمین کے کم کرنے سے کم نہیں ہوسکتا!

✍️ #سیدمہتاب_عالم

حضور صلی اللہ علیہ والہ وسلم کی بارگاہ میں

 باادب سلام

یــا نبــی ســـلام علیـــک یــا رسول ســلام علیــک

یــا حــبیب ســـلام عـلیـــــک صــلــوٰۃ اللہ عـلیـــــک

تـــم حـــبیـبِ کــبریـاہـو اور امــام الانــبیــاء ہـو

دو جــہاں کــے پـیشــوا ہـو شــافــع روزِ جـــزاہـو

یــا نبــی ســـلام ﷺ علیـــک یــا رسول ســلام علیــک

یــا ســـلام عـلیـــــک صــلــوٰۃ اللہ عـلیـــــک

رحــمتــوں کے تــاج والــے دو جہــاں کے راج والــے

عــرش کــی مــعراج والــے عــاصیوں کــی لاج والــے

یــا نبــی ســـلام علیـــک یــا رسول ســلام علیــک

یــا حــبیب ســـلام عـلیـــــک صــلــوٰۃ اللہ عـلیـــــک

کــاش حـاصل ہـو حضــوری دور ہـو جائــے یــہ دوری

دیــکھ لـوں وہ شکلِ نــوری دل کــی حسرت ہــو پــوری

یــا نبــی ســـلام ﷺ علیـــک یــا رسول ســلام علیــک

یــا حــبیب ســـلام عـلیـــــک صــلــوٰۃ اللہ عـلیـــــک

آخــری لمحــے جــب آئیــں کاش وہ تشریــف لائیــں

اپنــے جــلوؤں میــں گمــائیں جــھوم کــرہــم گنگنــائیں

یــا نبــی ســـلام علیـــک یــا رسول ســلام علیــک

یــا حــبیب ســـلام عـلیـــــک صــلــوٰۃ اللہ عـلیـــــک

صَلُّوْاعَلَی الْحَبِیْبِ صَلَّی اللَّهُ تَعَالٰی عَلٰی سیدنا مُحَمَّدِ صَلَّی اللَّهُ عَلَیْہِ وَاٰلِه وَسَلَّمَ

I am Muhammad Adnan Khan Chunda. I am student(Talib e Ilm) Of Jamia Muhammadiya Hanfiya Sulamani Near Jatta Adda Naivela. I love To Teach You Islamic Information like Masail,Hadees and Quotes of Bazurgane din.

Leave a comment