خواب کی تعبیر

Rate this post

خواب کی تعبیر :- اسلام سے قبل حضرت ابوبکر صدیق رضی اللہ تعالی عنہ کا شمار علاقہ کے بڑے تاجروں میں ہوتا تھا ۔ ایک مرتبہ تجارت کے سلسلے میں آپ رضی اللہ تعالی عنہ  رضی اللہ عنہ ملک شام تشریف لے گئے۔ یہاں قیام کے دوران ایک رات آپ رضی اللہ تعالی عنہ نے خواب دیکھا کہ چاند اور سورج آسمان سے نیچے اتر آئے ہیں اور آپ رضی اللہ عنہ کی گود میں داخل ہوگئے ہیں ،حضرت ابوبکر صدیق رضی اللہ تعالیٰ عنہ نے ایک ہاتھ سے چاند اور ایک ہاتھ سے سورج کو پکڑ کر اپنے سینے سے لگا لیا اور انھیں اپنی چادر میں چھپا لیا۔

خواب کی تعبیر

صبح آپ رضی اللہ عنہ بیدار ہوئے تو اس عجیب و غریب خواب کی تعبیر پوچھنے کے لئے قریب ہی ایک راہب کے پاس تشریف لے گئے۔ اس راہب نے سارا خواب سن کر آپ رضی اللہ عنہ سے پوچھا ، آپ رضی اللہ عنہ کا نام کیا ہے، آپ رضی اللہ عنہ کہاں کے رہنے والے ہیں ؟

حضرت ابوبکر صدیق رضی اللہ تعالیٰ عنہ نے فرمایا میرا نام ابوبکر ہے اور میں مکہ معظمہ کا رہنے والا ہوں۔ میرا تعلق قبیلہ قریش سے ہے۔

راہب نے سوال کیا کہ آپ رضی اللہ عنہ کا ذریعہ معاش کیا ہے ؟

حضرت ابوبکر صدیق رضی اللہ تعالیٰ عنہ نے فرمایا میں تجارت کرتا ہوں۔ عیسائی راہب نے حضرت ابوبکر صدیق رضی اللہ تعالیٰ عنہ سے کہا‘

مبارک ہو، ”نبی آخرالزماں حضرت محمد صلی اللہ علیہ وسلم اس دنیا میں تشریف لے آئے ہیں اور ان کا تعلق بھی قبیلہ قریش سے ہے۔ وہ آخری نبی ہیں اگر یہ نبی پاک نہ ہوتے تو اللہ تعالیٰ زمین اور آسمان کو پیدا نہ فرماتا اور نہ کسی نبی کو پیدا فرماتا۔ وہ تمام رسولوں کے سردار ہیں۔

اے ابوبکر رضی اللہ عنہ! تم ان کے دین میں شامل ہو گے اور ان کے بعد ان کے خلیفہ بنو گے۔یہ ہے تمہارے خواب کی تعبیر ۔

اے ابوبکر رضی اللہ عنہ میں نے اس نبی کریم ﷺ کی تعریف و توصیف تورات میں پڑھی ہے اور زبور و انجیل میں ان کا ذکر پڑھا ہے۔ میں ان نبی ﷺ پر ایمان لاچکا ہوں ، میں مسلمان ہوں لیکن عیسائیوں کے خوف سے اپنے ایمان اور مسلمان ہونے کا اظہار نہیں کرتا۔

لیکن آج تم سے ساری حقیت بیان کردی ہے۔حضرت ابوبکر صدیق رضی اللہ تعالیٰ عنہ نے جب اپنے خواب کی تعبیر سنی، تو بے حد متاثر ہوئے اور دل پر رقت طاری ہوگئی ۔

آپ رضی اللہ عنہ کے دل میں عشقِ نبی ﷺ کا جذبہ بیدار ہوگیا اور حضور صلی اللہ علیہ وسلم سے ملاقات کی خواہش میں شدت پیدا ہوگئی،

آپ  رضی اللہ عنہ فوراََ مکہ معظمہ واپس آئے اور حضور صلی اللہ علیہ وسلم کو تلاش کر کے ان کی بارگاہ میں حاضر ہوئے ۔حضور صلی اللہ علیہ وسلم کو دیکھ کر دل کو مسرت ہوئی حضورﷺ بھی ابوبکر رضی اللہ عنہ کو دیکھ کر مسکرائے اور فرمایا۔ ابوبکرؓ ! تم آگئے ،جلدی کر وکلمہ پڑھو اور دین حق میں داخل ہوجاؤ، ابوبکر صدیق رضی اللہ تعالیٰ عنہ نے عرض کیا حضور صلی اللہ علیہ وسلم ! کیا کوئی معجزہ دیکھ سکتا ہوں۔؟حضور صلی اللہ علیہ وسلم نے مسکرا کر فرمایا ”ملک شام میں جو خواب دیکھ کر آئے ہو اور راہب نے جو تعبیر بتائی ہے وہ میرا معجزہ ہی تو ہے“۔ حضرت ابوبکر صدیق رضی اللہ تعالیٰ عنہ یہ سن کر پکار اٹھے۔ “صدقت یا رسول اللہ”! (سچ فرمایا اے اللہ کے رسول ﷺ آپ نے) میں گواہی دیتا ہوں کہ

اللہ کے سوا کوئی معبود نہیں اور آپ اللہ کے سچّے رسول ہیں۔

محمد عدنان چنڈہ بندیالوی ڈیرہ اسماعیل خان

I am Muhammad Adnan Khan Chunda. I am student(Talib e Ilm) Of Jamia Muhammadiya Hanfiya Sulamani Near Jatta Adda Naivela. I love To Teach You Islamic Information like Masail,Hadees and Quotes of Bazurgane din.

Leave a comment